მთავარი ღონისძიება ფესტივალი შავი ზღვის ჯაზ-ფესტივალი – Jamiroquai

შავი ზღვის ჯაზ-ფესტივალი – Jamiroquai

შავი ზღვის მე-11 საერთაშორისო ჯაზ-ფესტივალის ფარგლებში, 27 ივლისს, ბათუმში ჯგუფის – Jamiroquai კონცერტი ჩატარდა. საღამოს Jay Kay-ს მოსასმენად უამრავი ადამიანი მოვიდა. კონცერტი ახალი სინგლით – Shake it On დაიწყო…

1992 წელს, ბრიტანეთში ჩამოყალიბებული ჯგუფი – Jamiroquai, თავდაპირველად, ფანკის და ეისიდ ჯაზის ჟანრში მუშაობდა, შემდეგ კი – პოპს, როკს და ელექტრონულ მუსიკასაც ქმნიდა. ბათუმში Jamiroquai-მ სიმღერები ახალი ალბომიდან – Automaton შეასრულა, თუმცა საღამოს განმავლობაში, ცნობილი ჰიტებიც მოვისმინეთ.

ბათუმში, კონცერტის დროს ძალიან ცხელოდა. მიუხედავად ამისა, ჯგუფის – Jamiroquai წევრები სცენაზე „თბილად“ ჩაცმულები გამოვიდნენ, რაც ყველას გაუკვირდა. მათი სამოსი ახალი ალბომის – Automaton „სავიზიტო ბარათს“ წარმოადგენს, ისევე – როგორც Jay Kay-ს ქუდი, რომელიც სიმღერის დროს ფერს და ფორმას იცვლის.

Jamiroquai-ს კონცერტი გვიან ღამემდე გაგრძელდა. ფესტივალის მომდევნო დღეს ჯგუფი –  De La Soul გვიმღერებს.

Pepper.ge