მთავარი აქტუალური თემა სოციალური ჰაერის დაბინძურების ერთ-ერთი მიზეზი – დაუზღვეველი ავტომობილები

ჰაერის დაბინძურების ერთ-ერთი მიზეზი – დაუზღვეველი ავტომობილები

ავტოდაზღვევასაქართველოში ავტომობილების სავალდებულო ტექნიკური დათვალიერება ჯერ დაგეგმვის პროცესშია. მესამე პირის მიმართ პასუხისმგებლობის სავალდებულო დაზღვევას რაც შეეხება, როდის ამოქმედდება, გაურკვეველია. ბევრი მიხვდა, რომ გაუთვალისწინებელი შემთხვევები ხშირია. ამიტომ სადაზღვევო კომპანიაში საკუთარი ნებით მივიდა.

ავარია

მესამე პირის მიმართ პასუხისმგებლობის დაზღვევის (იგულისხმება ნებისმიერი ზარალის ანაზღაურება, რაც შეიძლება, დაზღვეულმა ავტომობილის მართვისას გარემოს მიაყენოს) გარეშე ავტომობილის მართვა დასავლეთის ქვეყნებში უკვე დიდი ხანია, აიკრძალა, საქართველოში კი ავტოსაგზაო შემთხვევის შემდეგ, დაზარალებულს სხვისი მანქანის შეკეთებისთვის სოლიდური თანხის გადახდა უწევს, უფრო მეტიც – მას საპატრულო ჯარიმა (250 ლარი) ნებისმიერ შემთხვევაში ეკისრება.

ავარია ალდაგი დაზღვევაარის ქვეყნები, სადაც ავტოსაგზაო შემთხვევისას პატრულის ჩარევა აუცილებელი არ არის – მხარეები ერთმანეთში თვითონ თანხმდებიან: შემთხვევის ადგილს ფოტოებს უღებენ, ნახაზს ადგენენ და სადაზღვევო კომპანიაში გზავნიან. ამ გზით პროცესი სწრაფად მთავრდება. ჩვენთან სამართალდამცველების გამოჩენას ელოდებიან, მათ მოსვლამდე კი მანქანის სავალი გზიდან გადაყვანისგან თავს იკავებენ, რადგან ადგილის მიტოვებისთვის, ორივე მხარეს 250 ლარით აჯარიმებენ, სადაზღვევო კომპანიამ კი შეიძლება, ანაზღაურებაზე უარი განაცხადოს. ამის გამო, ისედაც გადატვირთული მოძრაობის დროს, დამატებითი საცობი იქმნება.

პოლიცია დაზღვევა ავარიაავტოსაგზაო შემთხვევისას, სანამ სამართალდამცველები სიტუაციაში გაერკვევიან, ჯარიმას და ოქმს გამოწერენ, საკმაოდ ბევრი დრო გადის – დაზარალებულებს დიდხანს ლოდინი უწევთ. სადაზღვევო კომპანიები ზარალის ანაზღაურების პროცესს მხოლოდ პატრულის მხრიდან გამოძიების დასკვნითი ოქმის ნახვის შემდეგ იწყებენ. დასკვნის გამოტანას შეიძლება, რამდენიმე კვირა დასჭირდეს.

პროფილაქტიკახანგრძლივი პროცედურებისგან თავის არიდების მიზნით, დაუზღვეველი ავტომობილის მფლობელი დაზღვეულისას პატრულის გამოძახებისგან თავშეკავებას სთხოვს, სანაცვლოდ კი – არასაკმარისი თანხის გადახდას სთავაზობს, რომელიმე სერვის ცენტრში ავტომობილის უხარისხოდ შეკეთებას ან უბრალოდ, პასუხისმგებლობის თავიდან არიდებას ცდილობს. ასეთი შემთხვევებით გამოწვეული კონფლიქტური სიტუაციები ძალიან ხშირია.

პროფილაქტიკა

პროფილაქტიკანებისმიერ შემთხვევაში, დაზიანებული ავტომობილი არალიცენზირებულ სერვის ცენტრში ხვდება (საქართველოში სერვის ცენტრებს მუშაობისთვის ლიცენზია არ სჭირდებათ). დაბალი ხარისხის მომსახურების მქონე სერვის ცენტრებში გადასახადებს მალავენ, მოძველებულ ნაწილებს ასაღებენ, არაკეთილსინდისიერად მუშაობენ ან უბრალოდ პროფესიონალიზმი აკლიათ. მეორე მხრივ, სადაზღვევო კომპანიების პარტნიორ სერვის ცენტრებში ავტომობილის ყველა დეტალი ოფიციალურად, საბუთებით ფორმდება. დაზიანებულ სავალ ნაწილებს უმეტესწილად, ახლით ანაცვლებენ.

დაზღვევა ავტო ავარია პოლიცია

ახალი სავალი ნაწილების შესაბამის ცენტრში ოფიციალურად შესყიდვა უფრო ძვირი ჯდება, ვიდრე საზღვარგარეთიდან გამოწერა. ამიტომ ავტომობილის „გატოტალება“ (მთლიანი საფასურის სრულად ანაზღაურება) 40%-იანი დაზიანების შემთხვევაშიც ხდება, თუმცა დაწესებული – 70%-ია. მოგვიანებით, „ჩამოწერილი“ ავტომობილები აუქციონზე იყიდება.

მაზერატი ავარია დაზღვევასადაზღვევო კომპანიებს ხშირად ძვირადღირებული, „გატოტალებული“ ავტომობილების საფასურის ანაზღაურება უწევთ. ამიტომ გადასახადი ზოგჯერ 100 000 ლარზე მეტია. შემდეგ, ამ თანხის ამოღებას დაუზღვეველი ავტომობილის მფლობელისგან სასამართლოს დახმარებით ცდილობენ. მომხმარებელს სურს, ანგარიშზე რაც შეიძლება მეტი თანხა დაერიცხოს, მესამე პირი კი გაკოტრების საფრთხის წინაშეა.

ავტოდაზღვევა ავარიადაუზღვეველი ავტომობილების მფლობელები იაფად შეკეთებას დაბალი ხარისხის სერვის ცენტრში ცდილობენ. სერვის ცენტრების წარმომადგენლები ხშირად მხოლოდ მათთვის სარფიან გარიგებებს აწარმოებენ. ამიტომ ჩვენი ქვეყანა იაფფასიანი, გაუმართავი და გარემოს დამაბინძურებელი ავტომობილებით სავსეა.

ავტორი: ირაკლი შალამბერიძე

Pepper